- Larunbatean Santa Eskea gauzatuko da herriko kale eta auzoetan, eta igandean, herrian zein baserriz-baserri.
Asteburu honetan Santa Agedaren koplek alaituko dute Elgoibar, larunbatean zein igandean.
Larunbatean, otsailak 3, Santa Eskea gauzatuko da herriko kale eta auzoetan Etxegiña taldeak antolatuta. 9:00etan jarri dute hitzordua Bolatokiko parkean.
Igandean, otsailak 4, Santa Ageda bezperan, ospakizuna herri osora zabalduko da. Santa Eskea egingo da kalez kale, auzoz-auzo eta baserriz-baserri. Helduen taldea 8:30ean abiatuko da Kalegoen Plazatik eta Atxutxiamaikaren taldea, berriz, 10:00etan Azkue auzoko ermitatik. Azken hau Elgoibarko Izarrak antolatzen du.
Elgoibarko Udalak herritarrak Santa Eskean parte hartzera gonbidatzen ditu.