- Irudi irabazleak egun horretarako banatuko diren kamisetetan inprimatuko dira.
San Bartolome jaietako Haurren Eguneko eta Nerabeen Eguneko kamisetetarako irudi lehiaketek badituzte irabazleak:
Haurren Eguneko kamiseten irabazlea Itxaso Garaizabal Mujika da, Lehen Hezkuntzako 5. mailako ikaslea. Bestalde, Lea Lazarobaster Heras DBHko 2. mailako ikasleak irabazi du Nerabeen Eguneko kamiseten irudia.
Lehiaketan parte hartzeko epea maiatzaren 21etik ekainaren 14ra izan zen. Aurkeztutako lanen artean, Egur Arte Tailerreko ikasleek 10 finalistak aukeratu zituzten. Finalistek zein epaimahaikideek Txankakuaren dendetan erosketak egiteko bonuak jaso dituzte.
Haurren Egunaren irudi irabazlea ekainaren 17tik 21era Udal Ludotekan erabaki zen. Nerabeen kasuan, Udal Gaztelekuarekin koordinatuta egin da aukeraketa.
Irabazleen irudiak San Bartolome jaietarako banatuko diren kamisetetan inprimatuko dira. Udalak irabazleak zoriondu ditu eta parte-hartzaile guztiei eskerrak eman dizkie egindako ahaleginagatik eta sormenagatik.
Gainera, Atxutxiamaikak, haurren eta nerabeen eguneko zenbait jarduera kudeatzeaz arduratzen denak, gogorarazi du oraindik ere izena eman daitekeela Haurren Eguneko bazkarian eta Nerabeen Eguneko bazkarian. Izena emateko galdetegietarako estekak honako hauek dira: