Otsailaren 23tik 28ra bitartean Elgoibarren antolatutako ekitaldietan murgiltzera gonbidatzen zaitugu. Kontzertuak, nekazaritza-esperientziak, literatura-ekitaldiak… Aste honetan agendak askotariko jarduerak eskaintzen ditu gustu guztietarako.
Otsailak 23 – Go!azen kontzertua
Go!azen taldeak etxeko gaztetxoentzako musika eta dantzaz beteko du Herriko Antzokia. Kontzertuak bi saio izango ditu, bata 17:00etan eta bigarrena 19:00etan. Sarrerak salgai daude https://herrikoantzokia.eus webgunean eta leihatilan.
Otsailak 24 – Hil bukaerako feria
Ekitaldia egun osoan zehar izango da, goizeko 09:00etan hasita baserriko eta Artalde Artisau Taldearen produktuen salmentarekin Kalebarren plazan. Jardunaldian Elgoibarko baserri eta harategietako produktuekin egindako pintxoak ere salduko dira 11:00etatik aurrera, eta haurrentzako tailerra antolatuko da 12:00etatik 14:00etara. Eguerditik aurrera ganadu erakusketa batekin amaituko da eguna.
Otsailak 24 eta 25 – III. Nazioarteko Hamaikasax Lehiaketa saxofoi jole gazteentzat
Inazio Bereziartua Musika Eskolak hirugarren Hamaikasax Nazioarteko Lehiaketa antolatu du bere instalazioetan.
Otsailak 25 – Dultzaineroen diana
Goizeko 10:00etatik aurrera Dultzaineroak Elgoibarko kaleetan zehar ibiliko dira. Otsailak 25 – Kontzertua: Elgoibarko Udal Musika Banda
Udal Bandaren kontzertua eguerdiko 12:30etan izango da Herriko Antzokian. Otsailak 26 – Hausnarketa Taldea: Maitasuna, herriaren opioa?
Loredi Salegik zuzendutako hitzaldia, emakumeentzat antolatua, 18:00etan izango da, ele bitan. Otsailak 26 – Orri markagailuen lehiaketaren sari banaketa
Arratsaldeko 19:30etan liburutegian burutuko da orri markagailuen lehiaketaren sari banaketa.
Otsailak 27 – Literatura Tailerra: “Historia de la vida del Buscón”, Quevedo
Consuelo Carrerek literatura tailerra aurkeztuko du Gotzon Garate Udal Liburutegian 18:00etatik 20:00etara.
Otsailak 28 – Treba Gurasoak: hitzaldia; “Haur eta nerabeen emozioen bidelagun; nola zaindu seme-alaben emozioak”.
Gurasoei zuzendutako hitzaldia 19:00tan izango da Gotzon Garate Udal Liburutegian, arratsaldeko 19:00tan, eta gaztetxoen emozioak zaintzeaz arituko da, umeengandik nerabeengana.
Otsailak 28 – Hitzaldia: “Euskararen egoera gaur, ikerketa demolinguistikoen argitan” Iñaki Iurrebasok 18:30etan Aita Agirre Kulturguneko areto nagusian eskainiko duen hitzaldia. Otsailak 28 – Epeletan literatur tailerra: “Arrakasta”, Jasone Osoro
Maite Lopez Las Herasek bideratuko du arratsaldeko 19:00etan “Arrakasta” liburuari buruzko litaratur tailerra Gotzon Garate Udal Liburutegian.