- Bilera 17:00etan izango da, Aita Agirre Kulturgunean, 1. solairuko areto nagusian.
Elgoibarko Udalak San Bartolome jaien balorazioan parte hartzera gonbidatzen ditu herritarrak. Bilera bihar egingo da, asteartea, irailaren 12an, 17:00etan, Aita Agirre Kulturgunean, 1. solairuko areto nagusian.
Bilera honen helburu nagusia elgoibartarren iritziak eta iradokizunak jasotzea da, San Bartolome jaien ospakizunei buruz, eta ekarpenak aprobetxatzea datorren urteko jaiak aberasteko.
Bilera honetan, aurtengo jaiei buruzko esperientziak, gogoetak eta iruzkinak partekatzeko aukera eskainiko zaie bertaratutakoei. Gainera, datorren urteko jaiak aberasteko ideiak eta proposamenak aurkeztera animatzen dira bertaratuak.
Elgoibarko Udalak aldez aurretik eskertzen du herritarren parte-hartze aktiboa.