- Ludoteka irailaren 19an irekiko da eta Gaztelekua irailaren 20an.
Elgoibarko Ludotekak eta Gaztelekuak datorren astean ekingo diote ikasturte berriari, gazteak elkartu, ikasi eta hazteko leku seguru eta dibertigarria eskainiz.
Ludoteka Gabriel Kurutzelaegi kaleko 6. zenbakian dago, eta irailaren 19an irekiko ditu ateak. Haurrentzako sormen eta hezkuntza jarduera sorta zabala eskainiko du. Ludotekaren ordutegiak honako hauek dira:
- Asteartetik ostegunera: 16:30 – 19:30.
- Ostiral eta larunbatetan: 16:30 – 20:30.
Ludotekarekin harremanetan jar zaitezke 943 74 83 88 telefonoaren bidez edo ludotekaelgoibar@gmail.com helbidera mezu elektroniko bat bidali. Instagramen ere jarraitu dezakezu @elgoibarko_ludoteka, nobedadeen eta ekitaldien berri izateko.
Gaztelekua Gabriel Kurutzelaegi kaleko 4. zenbakian dago, eta irailaren 20an irekiko ditu ateak. Gune hau bereziki nerabeei eskainia dago eta garapen pertsonalerako askotariko jarduerak eta aukerak eskaintzen ditu. Gaztelekuaren ordutegiak honako hauek dira:
- Asteazken, ostegun eta igandeetan: 17:00 – 20:00.
- Ostiral eta larunbatetan: 17:00 – 21:00.
Ate irekien saioa ospatuko da urriaren 4an, 19:00etan, Gaztelekuan bertan. Aurrez izena eman behar da www.labur.eus/ZVv2t web orrialdean.
Gaztelekuari buruzko informazio gehiago nahi izanez gero, deitu 943 74 32 28 telefonora edo bidali mezu elektroniko bat gaztelekua@elgoibar.org helbidera. Gaztelekuari ere jarrai diezaiokezu Instagram@elgoibarkogaztelekua helbidean, programatzen dituzten jardueren eta ekitaldien berri izateko.
Udalak Gaztelekuan eta Ludotekan bertan informazio gehiago lortzeko gonbitea luzatzen die erabiltzaileei.