4.000 “Bizi-Bizixa” bonu trukatu ahal izango dira apirilaren 11tik apirilaren 30era kanpainari atxikitako 46 establezimenduetan

• Denda bakoitzean 86 bonu banatu dira. Udalak 30.000 euroko inbertsioa egin du, eta elgoibartarrek % 25eko deskontua izango dute erosketetan.

Elgoibarko Udalak, herriko merkataritza dinamizatzen eta biziberritzen jarraitzeko asmoz, Bizi-Bizixa bonuen beste kanpaina bat jarri du martxan. 2024ko lehena izango da, eta kanpaina estreinakoz abian jarri zenetik hamargarrena. Kanpaina hau Udalak tokiko garapen ekonomikoa bultzatzeko ezarritako ildo estrategikoaren barruan kokatzen da.

Kontsumo bonuen kanpaina honen bidez, Udalak 30.000 euro inbertitu eta 4.000 bonu komertzial banatuko ditu. Bonuak saltokietan erosi behar dira erosketa egiten den unean.

Bidenabar, kanpaina honetaz baliatuta, erosketak euskaraz egiteko deia egiten diete Udalak eta Elgoibarko Izarrak bezeroei.

Horretarako, herriko establezimenduetan euskarazko zerbitzua areagotzeko, “EUSKARAZ BARRA-BARRA” izeneko marka berriaren ikurra jarri izango dute zerbitzuak euskaraz eskaintzeko gaitasuna duten establezimenduek, Euskal Herri osoko marka bateratua.

“Euskaraz barra-barra” ikurrarekin bezero euskaldunei adierazten zaie euskaraz lasai aritzeko aukera dutela ikurra jarrita duten establezimenduetan, izan ere, marka agerian jartzen duten establezimenduetan euskaraz ulertzen duten langileak egongo direla bermatuko baita.

Atxikitako establezimenduetan egindako gastuak gutxienez 5 eurokoak, eta gehienez, 60 eurokoak izan daitezke. Hona hemen kanpaina honen baitan egingo diren deskontuak:

• 5 €-ko erosketetan Udalak 1,25 €-ko dirulaguntza emango du.
• 10 €-ko erosketetan Udalak 2,5 €-ko dirulaguntza emango du.
• 20 €-ko erosketetan Udalak 5 €-ko dirulaguntza emango du.
• 30 €-ko erosketetan Udalak 7,5 €-ko dirulaguntza emango du.
• 60 €-ko erosketetan Udalak 15 €-ko dirulaguntza emango du.

Bestalde, saltoki bakoitzean banatutako 43 bonu kolore batekoak izango dira, eta beste 43 bonuak, beste kolore batekoak. Kolore desberdin horien bidez, bonuak saltzeko ordu-tarteak bereiziko dira, goizekoa 9:00etatik  14:30etara, edo arratsaldekoa, 14:31etik 20:00etara. Ordutegia bonuetan bertan zehaztuko da.

Bonuak apirilaren 30era arte trukatu ahal izango dira kanpainari atxikitako 46 dendetan, baldin eta dendek egun horretara arte bonuak badituzte.

46 saltokik parte hartuko dute kanpainan