- Lanpostu horietatik gehienak, hamabi zehazki, txanda librekoak izango dira; gainerako seirak, berriz, barne sustapen bidezkoak.
- Aurtengo Lan Eskaintza Publiko hau guztiz garatzeko hiru urteko epea izango da. Horrenbestez, hautagaitzak aurkezteko epea ez da oraindik zabaldu.
Elgoibarko Udalak 2023 ekitaldiko Lan Eskaintza Publikoa onartu du, udaleko langileen behin-behinekotasuna murrizteko eta bitarteko izaeraz beteta dauden lanpostuak egonkortzeko helburuarekin.
Abenduaren 15ean onartu zuen Maialen Gurrutxaga alkateak 2023 urteko Enplegu Publikoaren Eskaintza. Bertan, legeak baimentzen dituen birjarpen tasak -ohikoa nahiz gehigarria- hartu dira kontuan proposamena osatzeko. Horrela, 18 lanpostuko eskaintza sortu da, udalarentzat eta herritarrentzat funtsezko diren zerbitzuak indartu asmoz.
Lanpostu horietatik gehienak, hamabi zehazki, txanda librekoak izango dira; gainerako seirak, berriz, barne sustapen bidezkoak. Honakoak dira eskainiko diren lanpostuak:
| Postuaren izena | Kopurua | Taldea | Betetzeko modua |
| Udaltzainburua | 1 | C1 | Barne promozioa |
| Agente lehena/udaltzaina | 3 | C1 | Barne promozioa |
| HAZ-eko administrari laguntzailea | 1 | C2 | Barne promozioa |
| Administrari laguntzailea | 1 | C2 | Txanda librea |
| Administraria | 2 | C1 | Txanda librea |
| Informatikako teknikari laguntzailea | 1 | C1 | Txanda librea |
| Partaidetza eta modernizazio teknikaria | 1 | A2 | Txanda librea |
| Hirigintza eta zerbitzuetako AOT | 1 | A1 | Txanda librea |
| Arkitekto teknikoa | 1 | A2 | Txanda librea |
| Gizarte langilea | 1 | A2 | Txanda librea |
| Berdintasun, Aniztasun eta Lankidetza teknikaria | 1 | A2 | Txanda librea |
| Ofizio anitzeko ofiziala | 1 | C2 | Barne promozioa |
| Lantaldeko arduraduna | 1 | C2 | Txanda librea |
| Ofizio anitzeko langilea | 2 | LT | Txanda librea |
Aurtengo Lan Eskaintza Publiko hau guztiz garatzeko hiru urteko epea izango da. Horrenbestez, hautagaitzak aurkezteko epea ez da oraindik zabaldu. Prozesuak eskatzen dituen gainerako urratsak ematen joango da udala, eta hautaketa prozesu bakoitzaren oinarri eta izen-emateen berri emango du, zabaldu ahala.