- Asteazken honetan, azaroaren 22an, Elgoibar ikastolako musika-emanaldiak; ostegunean, Betisua txarangaren eta Musika Eskolako trikitilarien kalejira; eta larunbatean, Elgoibarko Udal Bandaren Santa Zeziliaren kontzertu berezia.
- Ostiralean, azaroak 24, Lankuk “Amaraun” antzezlana eskainiko du Herriko Antzokian.
Elgoibarrek kultur jardueraz betetako astea du aurretik. Hemen duzu aste honetako kultur ekitaldiei buruzko informazio guztia:
Azaroak 22, asteazkena: Santa Zezilia eguna:
- Elgoibar Ikastolako ikasleen musika-emanaldiak: Elgoibar Ikastolako ikasleek hainbat musika-emanaldi eskainiko dituzte goizean Maalako parkean.
- Helduentzako ipuin kontaketa saioa: “80 Amandre”, Dorleta Kortazar: 19: 00etan Gotzon Garate Udal Liburutegian.
Azaroak 23, osteguna:
- Betisua txarangaren eta Musika Eskolako trikitilarien kalejira. 17: 30ean, Kalegoen plazatik Maalako parkera.
Ostirala, azaroak 24:
- Antzerkia: Lankuren “Amaraun”: 19:00etan Herriko Antzokian. Sarreren salmenta https://herrikoantzokia.eus webgunean, larunbatetan leihatilan 18:15etik 20:45era eta egun berean leihatilan. AMAraun ikuskizunak musika, kantua eta dantza uztartzen ditu amatasunari buruzko hausnarketa bat kontatzeko. Performancea (Ama) izateko edo ez izateko erabakiarekin hasten da, eta horrek amatasunaren esperientzia batzuk erakusteko aukera ematen du, ezagutzen ditugun ereduen eta nahiko genituzkeen ereduen arteko trantsizioan. Enpatia-ariketa eta amatasun mota ororekiko errekonozimendua, eta irudi horrek gizartean duen zereginari buruzko hausnarketa.
Larunbata, azaroak 25:
- Hilabete Amaierako Nekazaritza eta Abeltzaintza Azoka: 9:00etatik 14:00etara Kalebarren plazan, baserriko produktuen eta Artalde Artisau Taldearen salmentarekin.
- Pintxoen salmenta DISLEGI DEBABARRENAren eskutik: 11:00etatik aurrera Kalebarren plazan, Elgoibarko baserri eta harategietako produktuekin egindako pintxoekin.
- Haurrentzako tailerra: 12:00etatik 14:00etara Kalebarren plazan, garaiko produktuak, bertako animaliak eta landa-kultura ezagutzeko aukera eskainiz.
- Ganadu Erakusketa: Eguerditik aurrera Kalebarren plazan.
- Udal Musika Bandaren kalejira: 11:00etan.
- Elgoibarko Udal Bandaren Santa Zezilia Kontzertu Berezia: 13:00etan Herriko Antzokian, Santa Zezilia Eguna dela eta.
- Kontzentrazioa Emakumeenganako Indarkeriaren Aurkako Nazioarteko Egunean: 20:00etan Kalegoen plazan, kausa garrantzitsu honen alde.
Zinea
- Azaroak 25, 26, 27: ALIMAÑAS
- Azaroaren 26an: LA PATRULLA CANINA: LA SUPERPELÍCULA
- Azaroaren 29an: ONGARRI: KREATURA
Elgoibartarrak ekintza hauetan parte hartzera eta aste honetan Elgoibarrek eskaintzen duen guztiaz gozatzera animatzen ditu Udalak. Informazio guztia www.elgoibar.eus udal webguneko agendaren atalean eskura dezakete elgoibartarrek.