- Inskripzioak esteka honen bidez egin behar dira: https://labur.eus/pWJl8.
Martxoaren 5ean, igandea, Lilatoia ospatuko da Donostian, eta Elgoibarko Lila Emakumeen Etxeak doako autobusa antolatu du parte hartzaileentzat. Izen-emateak esteka honen bidez egin behar dira: https://labur.eus/pWJl8.
Lilatik adierazi duten bezala, “garraio zerbitzu hau antolatzen den lehen aldia denez, interesdunen iritzia ezagutu nahi dugu eta gehiengoaren nahia beteko da. Horregatik, galdera-sortan galdetzen da noiz nahiago den itzulera egitea”.
Lasterketan parte hartzen duten korrikalariek lehentasuna izango dute garraioa erabiltzerakoan. Hala ere, familiartekoentzako lekua ere egongo dela aurreikusten da.