- Elgoibarko herritarrek hautesle errolda ikusgai dute apirilaren 29ra arte. Horrez gain, hauteskunde atalak, mahaiak eta lokalak kontsultatu ahal izango dituzte apirilaren 28ra arte.
Elgoibarko Udalak datorren ekainaren 9an egingo diren Europar Parlamenturako hauteskundeetarako prestatzen ari diren hautesle-errolda jendaurrean jarri du. Apirilaren 29ra arte, hori barne, Udaleko Herritarren Arretarako Zerbitzuan ikusgai egongo dira. Aldi horretan, herritarrek beren datuak berrikusi eta erreklamazioak aurkeztu ahal izango dituzte, hautesle-erroldan sartzean edo erroldatik kanpo uztean irregulartasunen bat hautemanez gero.
Hautesle zerrendaz gain, hauteskunde atalak, mahaiak eta lokalak ere aurkeztu dira. Apirilaren 28ra arte izango dira ikusgai herritarrentzat.
Erakusketa ordutegia astelehenetik ostegunera izango da, 7:30etatik 15:30etara, eta ostiraletan 7:30etatik 14:30etara.
Elgoibarko Udalak hautesle-errolda berrikusteko prozesu honetan aktiboki parte hartzeko deia egiten die botoa emateko eskubidea duten herritar guztiei. Guztion lankidetza funtsezkoa da hauteskunde-prozesuaren osotasuna eta gardentasuna bermatzeko.