- Aurkeztu diren lanek hainbat gai jorratzen dituzte: ekologia, migrazioa, gerra, bakardadea eta harreman pertsonalak, baina originaltasun handiko fantasiazko kontakizunak ere aurkeztu dira.
Elgoibarko Udalak, Kultura, Euskara, eta Haur, Nerabe eta Gazteen Sustapeneko Sailen bitartez, antolaturiko VI. Idazlan lehiaketara 197 lan aurkeztu dira, eta horietako 26 izan dira sarituak. Sariak atzo arratsaldean bertan banatu ziren Aita Agirre kulturguneko areto nagusian.
Sariak banatzeko ekitaldian, Ane Beitia alkateak epaimahaiak egindako lana eskertu du, baita ikastetxeek egindako lana ere, eta sarituak zoriondu ditu.
Epaimahaia herriko literaturzale eta idazleek osatu dute, hala nola, Jasone Osorok, Jon Eugik eta Iñigo Otañok.
Lehiaketaren helburua ikasleen artean euskaraz idazteko trebetasuna sustatzea izan da, eta epaimahaikoen hitzetan, aurtengo edizioan azpimarratzekoa da parte hartzea, inoiz baino lan gehiago aurkeztu direlako, bereziki, DBHn eta Batxilergoan. Lanen kopuruaz gain, lanen kalitatearekin ere pozik ageri dira epaimahaiko kideak. Lehiaketara aurkeztu diren lanen gaiak anitzak izan dira: ekologia, migrazioa, gerra, bakardadea eta pertsonen arteko harremanak. Baina izan dira baita ere fantasiazko istorio originalak. Gehienak maila egokian eta txukun idatzitakoak gainera.
Epaimahaikoen ustez, literatura haur eta gazteengan sustatzeko Udala egiten ari den apustua emaitzak ematen ari da, eta horri eustea eskatzen diete Udalari, eskolei eta familiei.
Balorazioa bukatzeko, heziketarekin erlazioa duen datu bat eman zuten: “irakurtzen duten ikasleen artean, eskolako porrota %1ekoa bakarrik da. Dudarik gabe, irakurtzeak eta idazteak izugarrizko abantaila ematen digu ez bakarrik heziketa akademikoan baita pertsonalean ere”.
Epaimahaiaren balorazioa entzun ondoren, Jasone Osorok, Udalaren laguntzaz, gidatzen duen “Bota literak” idazle gazteen klubari buruzko informazioa eman zuen.
Bota Literak idazle gazteen kluba
Joan den ikasturtean Bota literak! izeneko idazle gazteen taldea sortu zen, 12tik 16 urtera bitarteko neska-mutilez osatua eta astean behin elkartzen dira Aita Agirren. Helburua idaztea da, idazten ikastea, idatzitakoa partekatzea, ozen irakurtzea, idazten dituzten gauzei buruz hausnartzea eta, batez ere, elkar ezagutu eta jolasen bidez idaztea, ondo pasatzea. Horretarako, hainbat baliabide erabiltzen dituzte, objektuak, musika, ikus entzunezkoak…
Datorren ikasturtera begira ere jarraitu nahi dute, eta interesa duen oro animatu nahi dute. Ateak irekita daude. Izena emateko nahikoa da mezu bat bidaltzea euskara@elgoibar.eus helbidera.
2022an eta 2023an saritutako lanak jasotzen dituen Liburuxka 2024an argitaratuko da.
Joan den edizioetan bezala, Udalak 2022an eta 2023an saritutako lanekin liburuxka argitaratuko du 2024an.
Jarraian, udal ordezkariek eta epaimahikideek sarituen berri eman zuten, eta saritu bakoitzak bere saria jaso zuen: erosketa bonua, diploma eta liburuak.
Saritutako lanak, egileak eta sariak ondorengoak izan dira:
| A TALDEAN (8 saritu): | diploma, 50 €-ko bonua eta liburu bat opari |
| MARTIN MUXIKA CID | Buruaren ete beldurgarria |
| UNAX OLASO BASTIDA | Arrano arrantzaleen migrazioa |
| IZARO POSTIGO LOPEZ | Supertxamarra eta sumendi gaiztoa |
| IBON BASURTO GOROSTIZA | Ibon, Martin eta Leo sorginen basoan |
| MADDI ANSOLA ARRIETA | Itsasora bidaia |
| ITXASO GARAIZABAL MUGICA | Lagunen ametsak |
| ERIKA RUIZ VILLANUEVA | Biharko eguna |
| LUCIA MARTIN DE JESUS | Eva eta bere abenturak |
| B TALDEAN (8 saritu): | diploma, 60 €-ko bonua eta liburu bat opari |
| LIDE MENDIKUTE EPELDE | Zebra zaldiaren iluntasuna |
| NOA ZUBIAURRE OSORO | Adalet Turkian |
| NORA GURRUTXAGA IRIONDO | Nire udarik onena |
| NOA PEREZ FERREIRO | Mugak gainditzen |
| SARE LANDA SASTRE | Amal desberdina da |
| UNAX ANSOLA ARRIETA | Aw ni Baara, Ni Adio naiz |
| EIDER GABILONDO LEYARISTI | Urdintxo |
| NORA LEONARDO OÑEDERRA | Oroitzapenak |
| C TALDEAN (4 saritu): | diploma, 80 €-ko bonua eta liburu bat opari |
| JUNE LANGARA IRIONDO | Guns&Roses |
| JUNES AGIRREGOMEZKORTA ABOITIZ | Elgoibar aldatu zuen gaztea |
| SARA ETURA GONZALEZ | Amets iheskorrak |
| HAIZEA AIZPURU ONDARRA | Betiko logelan |
| D TALDEAN (4 saritu): | diploma, 100 €-ko bonua eta liburu bat opari |
| MIREN SERRANO CORTA | Iparralderantz |
| DANEL RODRIGUEZ ARAMBURU | Islatzen den mundua |
| NAROA ANSOLA ANSOTEGUI | Esan nahi ez dudana |
| HARITZ RUBIO AGUIRRE | Hankak lurrean jarrita |
| E TALDEAN ( 2 saritu): | diploma, 120 €-ko bonua eta liburu bat opari |
| JUNE ARMENDIA GABILONDO | Harrapatuta |
| NAROA RODRIGUEZ ARAMBURU | Eskutitza |
Eta ekitaldiari bukaera emateko, aipamen berezia jaso zuten ondorengo bost ikasleek, lehiaketan parte hartzeko egindako ahalegin bereziagatik: Sondos Boulmani Laasouli, Markel Prieto Perez, Elaia Ormaechea Arroyo, Nahia Limia Blanco eta Saioa Etxeberria Zabalo.
