- Aurkezpena apirilaren 20an burutuko da, Kalegoen Plazan, 12:00etatik 13:30etara.
- Ekitaldi hau herriak haurren ongizatearekin duen konpromisoaren adierazpen bat da, jolasak eta entretenimenduak haurren garapenean duten funtsezko papera azpimarratuz.
Hezkuntza Mahaiak, haurrentzako aisialdi-jarduerak sustatzen dituzten tokiko eragileekin batera, Elgoibarko haurrentzako aisialdi-eskaintza aurkezteko jardunaldia antolatu du apirilaren 20an, Kalegoen Plazan, 12:00etatik aurrera. Ekitaldi hau herriak adingabeen ongizatearekin duen konpromisoaren adierazpen bat da, jolasak eta entretenimenduak haurren garapenean duten funtsezko papera eta aisialdiko jardueretan parte hartzeak haurren osasun fisiko eta mentalerako duen garrantzia azpimarratuz.
Udalak berak sustatzen duen Hezkuntza Mahaiak antolatuta, tokiko hainbat hezkuntza eta kultura erakundeek osatzen dutena (Elgoibar Herri Eskola, Elgoibar Ikastola, Udal Ludoteka, Atxutxiamaika eta Inazio Bereziartua musika eta dantza eskola), jardunaldian aisialdiko eskaintza zabala aurkeztuko da. Eskaintzak honako jarduera hauek hartzen ditu barne:
- Udal Ludoteka
- Robotika dibertigarria
- Bizilabe
- Arte tailerrak
- Musika eta dantza
- Musikoterapia
- Eskubaloia
- Xakea
- Tenisa
- Fubola
- Mendi irteerak
- Pilota ikastaroak
- Atletismoa
- Igeriketa lehiaketak
- Txirrindularitza
- Aldenik Alden
- Kiribilduz
- Auzoko familiak
- Igeriketa
- Igeriketa egokitua
- Eskola kirola
- Eskola kirol egokitua
- Eskalada
- Dantza urbanoa
- 0-4 urteko haurrentzako jolasgunea
Hezkuntza Mahaiaren eta tokiko elkarte eta erakunderen arteko lankidetza funtsezkoa da Elgoibarko umeen haurtzaroa aberasteko. Elgoibarko alkate Maialen Gurrutxaga Urangak haurren garapen fisiko, emozional eta soziala babesten duten esperientzia esanguratsuak eskaintzearen garrantzia azpimarratu du, eta Udalak herriko eragileekin elkarlana sustatzearekin eta indartzearekin duen konpromisoa berretsi du.
