- Eskabideak aurkezteko epea azaroaren 22tik abenduaren 8ra arte egongo da zabalik.
- Aisialdiko hezkuntza-eskaintzan izena ematean aukera-berdintasuna bermatzeko dirulaguntzak.
Elgoibarko Udalak epea ireki du neguko oporretan Atxutxiamaikak Udalarekin batera antolatzen duen aisialdi hezitzailearen eskaintzan herriko haurrek parte hartzea errazten duten dirulaguntzak eskatzeko. Dirulaguntza horien helburua da familia guztiek, beren egoera ekonomikoa edo osaera edozein dela ere, adingabeek gozatzeko eta garatzeko diseinatutako jarduera horiek egin ahal izatea bermatzea.
Laguntza hauek jaso ahal izango dituzte:
- Familia ugariak eta guraso bakarrekoak, izena emateko kuotaren %30eko dirulaguntza jasoko dute.
- Familia ugariak izan gabe, bigarren semea edo alaba inskribatzen badute, bigarren inskripzio horretarako izen-ematearen kuotaren %30 eskuratu ahal izango dute.
- Gizarte-laguntzak jasotzen dituzten familiak (hala nola Diru-sarrerak Bermatzeko Errenta edo Gizarte Larrialdietarako Laguntzak), kuotaren %70eko dirulaguntza jasoko dute.
Eskabideak aurkezteko epea eta tokia
Laguntza horiek eskatzeko epea 2024ko azaroaren 22tik abenduaren 8ra bitartekoa izango da. Eskaerak aurrez aurre aurkez daitezke Herritarrei Laguntzeko Zerbitzuan (HAZ), Santa Ana kaleko 2. zenbakian, 7:30etik 15:30era, astelehenetik ostegunera, eta 7:30etik 14:30era, ostiraletan. Izapidea modu elektronikoan egiteko aukera ere eskaintzen da, udal egoitza elektronikoan .
Eskabidea formalizatzeko, dagokion formularioa aurkeztu beharko da, HAZen eta Udalaren webgunean eskuragarri dagoena, eskatutako egiaztagiriekin batera.
Ekimen honen bidez, Elgoibarko Udalak haurren inklusioarekin eta ongizatearekin duen konpromisoa berresten du, ikaskuntza, sozializazioa eta oporrez gozatzea sustatzen duten jardueretarako sarbide zuzena ziurtatuz. Informazio gehiago nahi izanez gero, jo HAZera edo kontsultatu udalaren webgunea.