- Iritsi berrientzako Harrera Gida oinarrizko informazioa eta baliabide erabilgarriak ematen dituen funtsezko tresna da Elgoibarko komunitatera batzen diren pertsonentzat.
- Ongi etorri instituzionala larunbat honetan, irailak 30 egingo da, eta bertan, Harrera Gida, Elgoibarren erroldatu berri diren 139 pertsonei emango zaie. Era berean, www.elgoibar.eus udal webgunean egongo da eskuragarri.
- Zerbitzuen gida (pdf)
Elgoibarko Udalak udalerrira iritsi berrientzako Harrera Gida aurkeztu du, udalerriko Harrera Plan Integralaren esparruan funtsezko tresna. Gida honek Elgoibarko Udalak gizarteratzea, kohesio soziala eta komunitatearen indartzea sustatzeko duen konpromisoa islatzen du.
Azken urteotan, Gipuzkoako gizarteak aldaketa esanguratsuak izan ditu kultura eta jatorri desberdinetako pertsonen etorreraren ondorioz. Testuinguru horretan, Elgoibarko Udalak “elgoibartar berriei harrera egiteko protokolo instituzionala” garatu zuen 2022an, eta, 2023an, “elgoibartar berriei harrera egiteko protokolo integrala” ezarriko du tokiko eragileekin lankidetzan.
Iritsi berrientzako Harrera Gida oinarrizko informazioa eta baliabide erabilgarriak eskaintzen dituen funtsezko tresna da Elgoibarko komunitatera batzen diren pertsonentzat.
Elgoibarko Harrera Gida herrira iristen diren pertsonei informazio baliotsua emateko diseinatutako tresna da. Gida honen helburua da etorri berriei beren ingurune eta komunitatea ezagutzen laguntzea. Udalerriari buruzko oinarrizko informazioa, udal-zerbitzuak, hezkuntza, osasuna, garraioa, enplegua eta prestakuntza, administrazio-izapideak, kultura eta tradizioak… informazioa eskaintzen du.
Maialen Gurrutxaga alkateak nabarmendu duenez, Harrera Planak eta, hedaduraz, Harrera Gida berriak “indartu egiten du udalerriak toki abegikorra, inklusiboa eta askotarikoa izateko duen konpromisoa. Iritsi berrien inklusioa funtsezkoa da gizarte-kohesioa sustatzeko eta bazterkeria prebenitzeko. Harrera-plan horrek beharrezko baliabideak eta laguntza ematen ditu pertsona horiek komunitatearen parte senti daitezen. Elgoibar Harrera Herri izaten jarraitzeko dugun konpromisoa sendotuz goaz. Iritsi Berrientzako Harrera Gida, gure herria udalerri are lagunkoiagoa bihurtzeko konpromisoan funtsezkoa den ekimena. Tokiko elkarte eta eragileekiko lankidetza funtsezkoa da harrera-prozesu honetan “.
Eragileen lankidetzaren onuretako batzuk honako hauek dira:
- Laguntza-sareak: tokiko erakunde eta elkarteek laguntza emozional eta soziala eman diezaiekete iritsi berriei, kultura- eta hizkuntza-oztopoak gainditzen lagunduz.
- Baliabideak eta zerbitzuak: elkarte-sareak funtsezko zerbitzuak eskaintzen ditu, hala nola hizkuntza-eskolak eta kultura-jarduerak, egokitzapena eta inklusioa erraztuz.
- Sentsibilizazioa eta sustapena: elkarteek funtsezko zeregina betetzen dute tokiko komunitatea harreraren eta kultura-aniztasunaren garrantziaz sentsibilizatzean, bizikidetza sustatuz.
Datozen asteetan, Elgoibarko Udala tokiko eragile eta elkarteekin harremanetan jarriko da Harrera Plan honen bigarren fasea garatzeko eta bere osotasunean udalerrian ezartzeko.
Irailaren 30ean, alkateak gidatutako harrera ekitaldi instituzional batean (11:30ean, Aita Agirre kulturgunean) Elgoibarren berriki erroldatu diren 139 pertsonei harrera egingo zaie, Harrera Gida banatuz. Era berean, www.elgoibar.eus udal webgunean eskuragarri egongo da eta herrian erroldatzen diren pertsona guztiei emango zaie Herritarren Arretarako Zerbitzuan.
Gida 5 hizkuntzatan argitaratu da: euskara-gaztelania, euskara-ingelesa, euskara-frantsesa eta euskara-arabiera.
