Pertsonalizatu adostasun-lehentasunak
Cookieak erabiltzen ditugu modu eraginkorrean nabigatzen eta funtzio jakin batzuk egiten laguntzeko. Jarraian, baimen kategoria bakoitzeko cookie bakoitzari buruzko informazio zehatza aurkituko duzu. Beharrezko cookieak nabigatzailean gordetzen dira, funtsezkoak baitira webgunearen oinarrizko funtzionaltasunak ahalbidetzeko.
Hirugarrenen cookieak ere erabiltzen ditugu, webgune hau nola erabiltzen duzun aztertzen laguntzen digutenak, zure lehentasunak gordetzen laguntzen digutenak eta eduki eta publizitate garrantzitsuak eskaintzen dizkigutenak. Cookie horiek zure nabigatzailean gordetzen dira soilik, zure baimenarekin. Cookie horiek guztiak aktibatzea edo desaktibatzea aukera dezakezu, baina cookie batzuk desaktibatzeak eragina izan dezake zure nabigazio-esperientzian.
Beti Aktibo
Las cookies necesarias son cruciales para las funciones básicas del sitio web y el sitio web no funcionará de la forma prevista sin ellas. Estas cookies no almacenan ningún dato de identificación personal.
Las cookies funcionales ayudan a realizar ciertas funcionalidades, como compartir el contenido del sitio web en plataformas de redes sociales, recopilar comentarios y otras características de terceros.
Las cookies analíticas se utilizan para comprender cómo interactúan los visitantes con el sitio web. Proporcionan información sobre métricas el número de visitantes, el porcentaje de rebote, la fuente de tráfico, etc. Las cookies de rendimiento se utilizan para comprender y analizar los índices de rendimiento clave del sitio web, lo que ayuda a proporcionar una mejor experiencia de usuario para los visitantes.
Estas cookies le permiten compartir contenido del sitio web con plataformas de medios sociales (por ejemplo, Facebook, Twitter, Instagram). No tenemos control sobre estas cookies ya que las mismas redes sociales las configuran.

Ez dago cookierik bistaratzeko.

Elgoibarko Udalak herritarren bizi-kalitatea hobetzeko “Elgoibar lagunkoia” ekimenarekiko konpromisoa sendotu du

  • Elgoibar 2018an atxiki zen ekimenera eta helburua herritarren bizi-kalitatea hobetzea da, pertsona nagusiei arreta berezia eskainiz.
  • Elgoibar Lagunkoia ekimenetan parte hartzeko interesatuak Gizarte Zerbitzuekin harremanetan jar daitezke, 943.74.10.50 telefonoan edo arreta@elgoibar.eus helbide elektronikoaren bidez.

Elgoibarko Udalak, gaurko aurkezpenean, Elgoibar Lagunkoia ekimenarekin jarraituko duela eta konpromisoa hori indartuko duela iragarri du. Ekimen honen helburua herritarren bizi-kalitatea hobetzea da, pertsona nagusiei arreta berezia eskainiz.

Aurkezpenean honako hauek parte hartu dute: Maialen Gurrutxaga, Elgoibarko alkatea; Maria Pilar Iranzo, Gizarte Zerbitzuetako zinegotzia; Idoia Uribarri, Gizarte Zerbitzuetako teknikaria, Beatriz Santamaría eta Eider Etxebarria, Bizipozeko ordezkariak. Aurreko talde eragileko ordezkariak ere parte hartu dute: Joserra Ezenarro, Nagusilan elkartetik; Andoni Segundo, Duintasunatik; Lourdes Beneitez eta Jose Luis Aldalur, Elgoibarko Jubilatuen Biltokitik eta Gotzone Aierdi, auzo alkatea. 

Deialdi honen bitartez, udalak herritarren ongizatearekin duen konpromisoa berresten du, erakundeen arteko lankidetza eta herritarren parte-hartzea sustatuz. Gainera, Elgoibar Lagunkoia ezagutzera eta etengabeko hobekuntza-prozesu honetan aktiboki parte hartzera gonbidatzen ditu herritarrak.

Elgoibar Lagunkoia proiektuaren hastapena 

Elgoibar Lagunkoia proiektua 2018ko urrian atxiki zitzaion Berdintasun, Justizia eta Gizarte Politiketako Sailak sustatutako Euskadi Lagunkoia Sareari. Lehenengo urratsa diagnosia egitea izan zen, eta horretarako, guztira 647 inkesta egin ziren hainbat eragileren lankidetzari esker, hala nola komunitateko ordezkarien, pertsona nagusien zaintzan inplikatutako erakundeen eta talde demografiko horrekin gertuko harremanak dituzten pertsonen lankidetzari esker. Ondoren, ebaluazio-plan bat eta hainbat ekintza aurkeztu ziren, Elgoibar leku irisgarriagoa, seguruagoa eta adin guztietako beharretara egokituagoa izateko.

Egindako ekintzen artean nabarmentzekoak dira prozesu horretatik jasotako proposamenen ondorio izan ziren parkeetan barandak egokitzea, entzumen-arazoak dituzten pertsonentzako Herriko Antzokian begizta magnetiko bat jartzea, pertsona nagusiei zuzendutako Interneten erabilerari buruzko prestakuntzak, ibilgailuen abiadura mugatzea, ispiluak kurba itxietan estrategikoki kokatzea eta abar.

Halaber, talde eragileko kideek egindako lanen eta lideratutako jardunen artean, honako ekintzak azpimarratzen dira: 

  • Heriotzari buruzko ekintzak.
  • ‘Establezimendu Lagunkoia’ ekimena.
  • Elgoibar Lagunkoiak burututako tratamendu medikuetarako eta produktu farmakologikoetarako dirulaguntzei buruzko informazio-kanpaina.
  • Elgoibar Lagunkoiak burututako ‘Zure txakurra, zure ardura’ kanpaina, herritar eta txakurren arteko bizikidetzan sakontzeko.
  • Piktogramak margotzea oinezkoen pasabideetan, autismoa zein narriadura kognitiboa duten pertsonen autonomia sustatzeko.

 

Proiektuaren hurrengo urratsak

2024ko Udalaren helburua Elgoibar Lagunkoia herri mailan berriro ezagutaraztea eta hainbat elkarte eta herritar independenteren ordezkariekin talde anitz berri bat osatzea da. Parte hartu nahi duten herritarrak izena eman beharko dute Herritarren Arreta Zerbitzuan (HAZ), otsailaren 20ra arte. Izena eman duten herritar guztiei bakarkako elkarrizketa egingo zaie, bakoitzaren espektatibak eta interesak ezagutzeko. Elkarrizketak, otsailaren 22an eta 27an egingo dira Jubilatuen Biltokiko Bilera Gelan. Prozesu honen ostean, talde eragilea osatuko da, gehienez 20 pertsonekin. Talde eragilea hilabetean behin bilduko da, udalerrian hobetu nahi diren gai espezifikoei buruz hiz egiteko. 

Urrats hauek emateko, udal teknikariarekin batera, Bizipozen laguntza izango dute, bilera horiek dinamizatuko bait dituzte, komunitate inklusiboagoa eta lagunkoiagoa sendotzen jarraitzeko. Bizipoz pertsona nagusientzako programak diseinatu eta garatzen dituen kooperatiba da, ongizatea eta zahartze aktiboa sustatuz.

Elgoibar Lagunkoiari buruzko informazio gehiago lortzeko eta ekimenetan parte hartzeko, interesatuak Gizarte Zerbitzuekin harremanetan jar daitezke, 943.74.10.50 telefonoan, arreta@elgoibar.eus helbide elektronikoaren bidez.