- Elgoibarren boluntario gisa Elikagaien Bankuari lagundu nahi dioten pertsonek 943 74 10 50 telefonora deituz edo Elgoibarko Herritarren Arretarako Zerbitzura (HAZ) joanda jakinarazi beharko dute.
Elgoibarko Udalak eta Elgoibarko Gurutze Gorriak herritarrei dei egiten diete Gipuzkoako Elikagaien Bankuak azaroaren 25ean eta 26an egingo duen Elikagaien Bilketa Handian parte har dezaten.
Txandak antolatuko dira ostiraleko zein larunbateko ordutegia betetzeko. Txandarako ordutegia eta merkataritza boluntarioen kopuruaren araberakoak izango dira.
Elgoibarren boluntario gisa Elikagaien Bankuari lagundu nahi dioten pertsonek lehenbailehen jakinarazi beharko dute 943 74 10 50 telefonora deituz edo Elgoibarko Udaleko Herritarren Arretarako Zerbitzura (Santa Ana 2, behea) joanez.
Boluntarioen laguntza ezinbestekoa da, kanpainaren arrakasta saltoki eta ordutegi guztiak bete ahal izateko boluntario kopuruarekin hertsiki lotuta baitago. Pertsonen prestasun azkarrak, gainera, kudeaketa erraztuko du.
OHAR ARGIGARRIAK:
- Boluntarioen zereginak: Boluntarioek, identifikazio-txaleko eta guzti, merkataritza-guneetan sartzen direnei janaria eta laguntza-bonuak emateko aukerari buruzko informazioa eskainiko diete.
- Elgoibarren kasuan, 2014tik aurrera, adingabeekin batera parte hartzeko aukera dago, balioetan oinarritutako hezkuntza-lanak egiteko.
- Adingabeen parte-hartzea erantzukizuna bere gain hartzen duen heldu bati laguntzearen mende dago, baina haurra boluntario gisa inskribatu behar da boluntariotza osoari egiten zaion aseguruaren ondorioetarako.