- Abenduaren 28an eta 31n erabili ahal izango da zerbitzua hiriko ibilbideak egiteko. Gabon Zahar Azokaren kasuan, zerbitzua 00:00etatik 06:00etara egongo da martxan, eta Urtezahar gauean 02:00etatik 07:00etara.
Elgoibarko Udalak doako gaueko taxi zerbitzua jarriko du herritarren eskura Gabon Zahar Azokan, abenduaren 28an, eta Urtezahar gauean, abenduaren 31n. Gabon Zahar Azokaren kasuan, zerbitzua 00:00etatik 06:00etara egongo da martxan, eta Urtezahar gauean 02:00etatik 07:00etara. Zerbitzua udalerri barruan ibilbideak egiteko bakarrik egongo da erabilgarri, Txarruneako biribilgunetik abiatuko da eta iritsiera-ordenaren arabera funtzionatuko du, aldez aurretik erreserbarik egiteko aukerarik gabe.
Ekimen honen bidez, elgoibartarren segurtasuna eta lasaitasuna bermatu nahi ditu Udalak.