- Aurrez aurreko saioak amaitu ondoren, analisi-saio batean jasotako proposamen guztiak aztertuko dira, haien bideragarritasuna ebaluatzeko, eta etorkizuneko proiektuen plangintzan ideiarik onenak kontuan hartuko direla bermatuko da.
Elgoibarko Udalak datorren astean jarriko du abian «Auzoekin Batera» entzute aktiboko prozesua. Prozesu berritzaile honen helburua herriko auzoetara hurbiltzea eta 2025erako elkarlanean hobekuntza proiektuak planifikatzea da, bizilagunen beharrak eta proposamenak kontuan hartuta. Maialen Gurrutxaga alkateak eta zinegotziek auzo guztiak bisitatuko dituzte, herritarrekin zuzenean harremanetan jartzeko eta auzoak zeharkatzen dituzten bitartean bizilagunen iradokizunak jasotzeko.
Auzoa hobetzeko ideiak eta iradokizunak eman nahi dituzten pertsonek bi modutara egin ahal izango dute:
1.- Digitalki: helbide honen bidez edo galdetegi birtual batera zuzentzen duen QR kodea eskaneatuz.
2.- Aurrez aurre: auzoetatik ibilaldiak egingo dira, ekarpenak egin nahi dituzten bizilagunekin zuzenean harremanetan jartzeko. Ibilbideak 18:00etan hasiko dira, honako puntu hauetan:
- Irailak 18, asteazkena: SIGMAko lokal soziala.
- Irailak 19, osteguna: Urazandi parkea.
- Irailaren 25, asteazkena: Jausoro plaza Santa Klaran.
- Irailak 26, osteguna: Toletxe parkea Artetxen.
- Urriaren 1, asteartea: San Pedro aparkalekua San Pedron.
- Urriaren 2, asteazkena: Lokal soziala Altzolan.
- Urriaren 3, osteguna: San Roke parkea San Roke/Basarte/Erretsundin.
Datorren asteazkenean, irailak 18, SIGMA auzoan hasiko da Auzoekin Batera-ren entzute prozesua, udal agintarien eta herritarren arteko kontaktu zuzeneko lehen ibilbidearekin.
Aurrez aurreko saioak amaitu ondoren, analisi-saio batean jasotako proposamen guztiak aztertuko dira, haien bideragarritasuna ebaluatzeko, eta etorkizuneko proiektuen plangintzan ideiarik onenak kontuan hartuko direla bermatuko da. Ondoren, Udalak kontuak emateko saio bat egingo du herritarrekin batera, eta bisita horiek legegintzaldiko ‘Bizi, maitatu, egin Elgoibar’ planaren barruan kokatuko ditu.
Elgoibarko Udalak herritar guztiak animatu nahi ditu «Auzoekin Batera» ekimenean aktiboki parte hartzera eta auzoak leku hobea izan daitezen beren ideiekin laguntzera. Prozesu hau aukera paregabea da guztion ahotsak entzun eta aintzat har daitezen herriaren etengabeko hobekuntzan.