- Inbertsioa 111.788,22 €-koa izan da, BEZa barne, eta obrak iraila eta urria bitartean egin dira.
Elgoibarko Udalak asfaltatze-lanak egin ditu udalerriko 8 landa-bidetan. Guztira, 8 landa-bidetan esku hartu da, 6.270 m²-ko azalera asfaltatuz. Horrek hobekuntza nabarmena dakar eremu horietako mugikortasunerako eta segurtasunerako. Proiektu horretarako azken aurrekontua 111.788,22 €-koa izan da.
Lanak udalerriko hainbat eremutan zentratu dira, eta honako landa-bide hauek hartu dituzte:
- Idotorbe auzoko bide bat.
- Sallobente auzoko lau bide.
- Urruzuno auzoko bide bat.
- San Migel auzoko bide bat.
- Arriaga auzoko bide bat.
Asfaltatze kanpaina honen garapenak Elgoibarko Udalak landa azpiegiturak etengabe hobetzeko duen konpromisoari erantzuten dio. Obrak bideak konpontzeko eta indartzeko egin dira, ibilgailu astunen joan-etorrien eta eguraldi txarraren ondorioz higadura handia jasan baitzuten.
Udalak bizilagunen pazientzia eta ulermena eskertu du, eta jarduketa horiek bide-sare seguruagoa eta irisgarriagoa bermatzeko duten garrantzia azpimarratu du. Hobekuntza horiek nabarmen lagunduko dute udalerriko landa-eremuetako bizi-kalitatean.