- Lekueder parkean 38 postu jarri ziren.
- Tailerretan 351 haur, nerabe eta gaztek hartu zuten parte. STEAM proiektuen aurkezpenean 278 ikasle, irakasle, enpresetako langile, Lanbide Heziketako eta Unibertsitateko langile eta Makina Erreminta Museoko langile izan ziren.
II. Zientzia Azokak Elgoibarren zabaldu zituen bizipen zientifikoak joan den larunbatean, maiatzaren 20an. 11:00etatik 14:00etara herritarrek Lekueder parkean jarritako 38 postuetan ibili eta parte hartu ahal izan zuten. Azokan bizipen zientifiko ugari bizitzeko aukera ere izan zen.
Tailerretan 351 haur, nerabe eta gaztek hartu zuten parte. STEAM proiektuen aurkezpenean 278 ikasle, irakasle, enpresetako langile, Lanbide Heziketako eta Unibertsitateko langile eta Makina Erreminta Museoko langile izan ziren.
Azokaren helburu nagusia Elgoibarko haurrek zientziaren eta teknologiaren arloan lantzen dituzten proiektuak herriari erakustea da, baita zientziarekin, teknologiarekin eta berrikuntzarekin lotutako balioak sustatzea eta gizartearen kultura zientifikoa handitzea ere.
Udalak azokaren bigarren edizioa “oso arrakastatsutzat” jo du. “Interes handia sortu du herritarrengan”. Udalak bere lana eta dedikazioa eskertu die parte-hartzaile, babesle, ikastetxe, enpresa eta eragile guztiei:
| ELGOIBAR BHI | BERKOA S.COOP |
| MEKA Lanbide Eskola | IMH Campus |
| DANOBAT GROUP | ELGOIBARKO HERRI ESKOLA |
| ROBOTIKA Dibertigarria | BIZILABE ELGOIBAR |
| ELGOIBAR IKASTOLA | ELHUYAR |
