Elgoibarko 46 saltoki batu dira gaur asteazkenetik (azaroak 8) aurrera hasiko den Euskadi Bono Denda programara 

• Erosketa-bonuekin herritarrek 10 euroko deskontua lortu ahal izango dute 30 eurotik gorako erosketetan

Gaurtik aurrera, azaroak 8, eta abenduaren 5era arte, herritarrek deskontuak lortu ahal izango dituzte Eusko Jaurlaritzak bultzatutako Euskadi Bono Denda programaren bidez. Elgoibarren, 46 saltokik bat egin dute ekimenarekin, eta gaurtik aurrera elgoibartarrek bertako establezimenduetan erosketak eginez gero, 10 euroko deskontua izango dute 30 eurotik gorako erosketetarako. Bonuak programari atxikitako saltokietan bakarrik erabili ahal izango dira.

Euskadi Bono Dendaren helburua da ondasunen kontsumoa sustatzea eta merkataritza-establezimenduetan eta hiriko merkataritza-jarduerarekin lotutako zerbitzuetan enpresaburu autonomoek, mikroenpresek eta enpresa txikiek zerbitzuak ematea. Euskadi Bonu Denda bakoitza 10 euroko deskontu-bonotzat hartuko da kanpainari atxikitako establezimenduetan gutxienez 30 euroko erosketa baten gainean. Ekimen hau Eusko Jaurlaritzak eta EUDELek koordinatzen dute.

5 bonu pertsonako, 50 euroko balioarekin

Euskadin bizi den 16 urtetik gorako pertsona bakoitzak gehienez 5 bonu jaso ahal izango ditu, 50 euroko balioarekin. Kontsumitzaileek, hala nahi badute, beren bonuak erosketa bakarrean metatu ahal izango dituzte, edo hainbat erosketatan erabili ahal izango dituzte, hainbatetan edo establezimendu bakar batean.

Bonuak ez dira erosten, ordaintzen diren unean bertan eskatzen dira, programari atxikitako edozein establezimendutan. Elgoibarren ondoko 46 saltokik hartu dute parte: