Gaur, uztailak 5, Udal Ludotekak eta Atxutxiamaikak ‘Bagatoz’ eguna antolatu dute. Adin guztietako haurrak biltzeko diseinatutako jardunaldi berezia izan da, elkarbizitza eta komunitatean gozatzea sustatzeko helburuarekin.
Goizeko lehen orduetatik, Haur eta Lehen Hezkuntzako haurrek hainbat jardueraz gozatu dute. Horien artean, zezenzikletak izan dira erakargarri nagusietako bat, txikienei dibertimendua eta entretenimendua eskainiz. Ondoren, Bergarako erraldoi eta buruhandien konpartsa protagonista izan duen kalejira alai batekin jarraitu du egunak. 12:30ean, parte-hartzaile guztiak bildu dira Kalegoen Plazan, egun berezi hau hilezkortu duen argazki bateratu baterako. Ekitaldian Aitor Iriondo Gazteria eta Hezkuntza eta Euskara sailetako zinegotzi arduraduna eta Amaia Sastre Elgoibarko Izarra Euskaltzaleon Topaguneko lehendakaria ere izan dira.
Argazkiaren ostean herri bazkari bat ospatu da eliz atarian eta BetiSua musikak amaiera bikaina eman dio jaiegun honi.
Antolatzaileek eskerrak eman nahi dizkie parte hartzaile eta kolaboratzaile guztiei egun hau posible egiteagatik, eta haur eta gazteen gizarte-kohesioa eta dibertsioa sustatzeko jarduerak antolatzen jarraitzeko konpromisoa berretsi dute.
