- ‘Auzoekin Batera’ prozesuak aurrera jarraituko du gaur, irailak 19, osteguna, Urazandi Parkean 18: 00etatik aurrera egingo den beste bilerarekin.
Atzo, irailak 18, asteazkena, ‘Auzoekin Batera’ ekimenaren lehen bilera egin zen SIGMA auzoan. Lehen jardunaldi honen balorazioa oso positiboa izan da, herriko bizilagun askoren parte-hartzea azpimarratuz, eta horrek erakusten du herritarrek auzoak hobetzeko duten interesa.
Maialen Gurrutxaga alkatea, zinegotziekin batera, auzoan zehar ibili zen bertaratutakoekin zuzenean elkarreraginean, etorkizuneko proiektuak planifikatzeko iradokizunak eta proposamenak bilduz. Lehen bilera hau urrats garrantzitsua izan da Udalaren eta herritarren arteko komunikazioa eta lankidetza indartzeko.
‘Auzoekin Batera’ prozesuak aurrera jarraituko du gaur, irailak 19, osteguna, Urazandi Parkean 18:00etatik aurrera egingo den beste bilera batekin. Ondoren, hurrengo bileren egutegia honako hau da:
- Irailaren 25, asteazkena: Jausoro plaza Santa Klaran, 18:00etan.
- Irailak 26, osteguna: Toletxe parkea Artetxen, 18:00etan.
- Urriaren 1, asteartea: San Pedro aparkalekua San Pedron, 18:00etan.
- Urriaren 2, asteazkena: Lokal soziala Altzolan, 18:00etan.
- Urriaren 3, osteguna: San Roke parkea San Roke/Basarte/Erretsundin, 18:00etan.
Elgoibarko Udalak eskerrak eman nahi dizkie lehen bilerara joan ziren guztiei parte hartzeagatik, eta hurrengo saioetara batzen jarraitzeko deia egin die herritarrei, bai aurrez aurre programatutako ibilaldietan, bai digitalki, udalaren webgunean eskuragarri dagoen galdetegi birtualaren bidez.
