- Aurtengo filmak: «Mi mejor amigo», «Mass», «Paris», «Distrito 13» eta «Red Rocket».
- Elgoibarko Udalak kultur eskaintza zabala antolatu du datozen hilabeteetan, 20 emanaldi eta ikuskizun bakar baino gehiago eskainiz.
- Sarrerak https://herrikoantzokia.eus helbidean edo leihatilan bertan eros daitezke (larunbatero 19:30etik 20:45era).
- Irailetik aurrera, oraindik gazte txartelik ez duten nerabeek larunbateko zinema izango dute, 19:00etatik aurrera, 3 eurotan.
- Herriko Antzokiko programazioa (PDF)
Aurten ere, udako etenaldiaren ondoren, zine emanaldiak eta ikuskizun eszenikoak Herriko Antzokira itzuliko dira laster. Horretarako, eta elgoibartarren aisialdia sustatzeko helburu nagusiarekin, Elgoibarko Udalak kultur eskaintza zabala antolatu du datozen hilabeteetan, 20 emanaldi eta ikuskizun bakar baino gehaigorekin. Gustu eta adin guztietara zuzendutako programazioa da, eta hemendik abendura bitartean hamabost bat jarduera izango ditu.
Egitarauari hasiera emateko, aurten laugarren aldiz ospatuko den Iñaki Agirre IV. Zinemaldiarekin hasiko da. Aurtengo filmak: «Mi mejor amigo», «Mass», «Paris», «Distrito 13» eta «Red Rocket».
Hilabete hauetan ez dira faltako ikuskizun eszenikoak, helduentzako hiru ikuskizun. Urriaren 21ean, Aitziber Garmendia eta Telmo Iruretarekin, Sexberdinak, maitasuna, sexua, bakardadea eta jendearen aurreiritziak jorratuko dituen lana. Azaroaren 11n, “hiru kortse, azukre asko eta brandy gehiegi”, emakume horien kortseen hariak nork mugitzen dituen galdetzen duen genero-ikuspegia duen ikuskizuna, eta abenduaren 16an, Aitor Gisasola elgoibartarrarekin “Rebelión en la granja” antzerki amateurra.
Urriaren 16an eta azaroaren 13an GluGlu eta Eidabe konpainien bi ikuskizun ditugu publiko guztiarentzat, hurrenez hurren.
Musikari dagokionez, urriaren 28an bi elgoibartar izango dira rock musikaren errepertorioarekin liluratuko gaituztenak, eta azaroaren 25ean Enrique Villarreal.
Horrez gain, hilabete hauetan bertsolarien eta Elgoibarko Udal Musika Bandaren musika emanaldiak ere izango dira.
Zuk balio duzulako!
Azpimarratu nahi dugu irailetik aurrera pertsona bakar baten presentzia nahikoa izango dela filma proiektatzeko.
Gogoan izan, halaber, Herriko Antzokian entzumen-arazoak dituzten pertsonentzako begizta magnetikoa dugula.
Eta sarrerako prezioei dagokienez, berritasunak daude:
Irailetik aurrera, nerabeek, hau da, haur adina gainditu baina oraindik gazte txartelik ez dutenek, larunbateko zinea izango dute, 19:00etatik aurrera 3 eurotan. Eta igandean, 16:30ean, haurrentzako sarrera 3,5 eurotik 3 eurora pasako da. Gazte txartela duten gazteek antzerkiaz eta zinemaz gozatzen jarraitu ahal izango dute 3 euro ordainduta.
Bonuak
Elgoibarko Udalak hainbat bonu jartzen ditu erabiltzaileen eskura:
- Zinema Bonua: lau saiotara joaten diren erabiltzaileentzat bosgarrena doan da. 13 urtetik gorakoentzat.
- Ikuskizun eszenikoetarako bonuak: bi saiotara joaten diren erabiltzaileentzat, hirugarrena doan da. 13 urtetik gorakoentzat.
- Ikuskizun eszenikoetarako adingabeen laguntzaileentzako bonuak: haurrentzako ikuskizun eszenikoetara lau aldiz joaten diren laguntzaileentzat, bosgarren aldiz laguntzen diotenean, doan sartuko dira. 13 urtetik gorakoentzat.
Sarrerak https://herrikoantzokia.eus helbidean edo leihatilan bertan eros daitezke (larunbatero 19:30etik 20:45era). Aipatzekoa da, gainera, aldez aurretik saldu ez diren sarrerak egun berean jarriko direla salgai.