Elgoibarko 2023ko kirolari federatu onenak saritu dituzte

Guztira 22 sari banatu dira: 18 kirol elkarteen eskutik eta 4 Udal Kirol Patronatuak.
Ekitaldi honek herrian Kirol elkarteek era boluntarioan egiten duten lana aitortzea du helburu.

Udal Kirol Patronatuak urtero antolatzen duen Kirol Federatuaren Urteko Sarien ekitaldia ospatu da gaur, asteazkena, abenduak 20, Musika Eskolako Auditorioan. XVI. edizioa izan da aurtengoa.

Guztira 22 sari banatu dira 2023ko edizioan: 18 kirol elkarteen eskutik eta 4 Udal Kirol Patronatuak.

Ekitaldi honek herrian Kirol elkarteek era boluntarioan egiten duten lana aitortzea du helburu. Elgoibarren 20 kirol elkarte daude eta hauetan, guztira, 1500 pertsona inguru daude federatuta. Kirol elkarteek bizitza, herrigintza, herri kohesioa, balioen sustapena, e.a. luzea eskaintzen diote herriari, horregatik Udalak bere aitortza eskaini nahi die ekitaldi honetan herriko kirol elkarte guztiei.

Ekitaldia mahai inguru batekin osatu da. Oraingoan, Zuhaitz Gurrutxaga elgoibartarra izan da bertan, kirol arloko osasun mentalari buruzko hitzaldia emateko.

Honakoak izan dira sarituak:

	KLUBA	KIROLA	MERITUAK	SARITUA
1	SAN MIGUEL HIRU-TXIRLO BOLA ELKARTEA	BOLA JOKOA	Urte asko darama bola jokoan, afizio handia diona, eta Arriaga-San Antolin auzoko bolari bakarra da	EDU ARRONA
2	MORKAIKO MENDIZALE ELKARTEA	MENDIA	Morkaikoko Natur taldeko partaideak dira biak eta Elgoibartarron artean naturaren ezagutza eta zaletasuna sustatzen egin duten lan guztiagatik.	HARITZ ARRIETA-ANDER IZAGIRRE
3	SIGMAKO PROBALEKUA ELKARTEA	HERRI KIROLAK	Sigma probaleku elkartean urteetan zehar emandako laguntzarengatik, bai patrozinatzaile moduan eta baita ere beti esku bat botatzerako prest egon delako	ANTON ARRILLAGA
4	ZARTA	ARKU TIRAKETA	Elgoibarren arku tiraketa sustatzen Zarta klubari emandako laguntzarengatik	IÑAKI MUGURUZA
5	MINTXETA ATLETISMO TALDEA	ATLETISMOA	Urte osoan egiten duen konpromiso, lan eta sakrifizioagatik. Abenduaren 3an Valentzian egindako marka pertsonal handiagatik, 2 ordu eta 34 minuturekin. Eta Mintxeta Atletismo Taldearen izena daramalako lehiatzen den proba guztietara	IGOR TORRES
6	LA UNION	EHIZA	Armagintzako maisua, ehiza-eskopeten fabrikatzailea, Deba eskualdeko armeria bakarraren jabea, hil honen amaieran erretiratuko dena eta errelebo faltagatik ateak itxiko dituena.	ANGEL MOTREL
7	LAGUN TALDEA TXIRRINDULARI ELKARTEA	TXIRRINDULARITZA	Iturriaga abizenak urte askoan lotura handia izan du bailarako txirrindularitzarekin eta Alberto 30 urtetan izan da Lagun Taldea txirrindulari eskolako patrozinatzailea.	ALBERTO ITURRIAGA
8	C.D. ELGOIBAR	FUTBOLA	CD Elgoibarko portero ohia eta urte asko darama klubeko porteroei entrenatzen. Azken 8 urteetan Futbol Eskolako porteroei ari da entrenatzen,	ELIAS FERNANDEZ
9	OLAIZAGA KIROL TALDEA	KARATEA	Bere ahalegin eta iraunkortasunagatik eta Karateko lehen dan gerriko beltzeko azterketa gainditu izanagatik.	MARIA BEGOÑA BAUTISTA
10	ELGOIBARKO IGERIKETA TALDEA	IGERIKETA	Urte hauetan egindako ibilbide oparoagatik eta herrian, gorengo mailako igeriketa ordezkatzeagatik baita Euskal Herritik kanpo eta nazioartean ere.	PAULA CALVO
11	LAGUNAK PILOTA ESKOLA	PILOTA	Gomazko paletako pilotaria, aurten Gipuzkoako lehen mailako pala txapelketan azpitxapeldun eta Gipuzkoako federaziotik hautatua izan da Graun txapelketa jolasteko.	GORKA LIZARRALDE
12	EGOKRAN JUDO TALDEA	JUDOA	Egokran taldeko judoka honek abenduaren 3an Iruñean Espainiako beteranoen 90 kg azpiko kategorian azpitxapelduna izatea lortu zuen	BORJA GOIKOETXEA
13	40 X 15 TENIS ELKARTEA	TENISA	Kluba sortu zenetik laguntzen jardun du antolatu diren ekintza desberdinetan bolondres moduan, elkarteak antolatu dituen tenis txapelketa guztietan ere parte hartu du eta elkartearen sponsorra ere bada	RAMÓN ZAPATA
14	ELGOIBAR SASKIBALOI TALDEA	SASKIBALOIA	Pertsona alaia, triplista ona eta beti denei laguntzeko prest.	MIKEL LAHOZ
15	ZUBI ONDO XAKE ELKARTEA	XAKEA	Klubean egiten duen lanagatik, Xakea herrian sustatzeko beti lanerako prest dagoelako	VICENTE SANTOS
16	URBIZI URPEKO JARDUEREN ELKARTEA	URPEKARITZA	Beti prest dagoelako taldearen ekintzen antolaketan parte hartzeko eta baita ere gure afizioa hedatzeko egiten duen lanagatik.	GORKA HEIS
17	URNOBITZA KIROL KLUBA	MOTOAK	Langile nekaezina motorren munduan beti laguntzeko prest dagoena	IGOR IRIONDO
18	SANLO ESKUBALOI TALDEA	ESKUBALOIA	Sanlorekin ibilbide luzea dauka, beti laguntzeko prest, azkenengo bi Zuzendaritza taldeetan parte hartu zuen eta orain Salento taldeko delegatua izaten jarraitzen du	JUAN CARLOS ARROYO
19	UDAL KIROL PATRONATUA	BOLONDRESA	Pilotan eta mendi lasterketetan aritzen den elgoibartar gaztea beti prest dago elkarte desberdinetan eta antolatzen diren ekintzetan esku bat bolondres bezala botatzeko	ALEX BERGUA
20	UDAL KIROL PATRONATUA	FUTBOLA	CD Elgoibarren eman ditu bere ibilbideko lehenengo urteak. Aurten Errealak fitxatu du eta kadete taldean jokatzen ari da. Euskadiko selekzioarekin ere sarritan jokatu du aurten eta Palentzian pasa den aste bukaeran jokatu zuen maila oso altua emanez.	SARA ETURA
21	UDAL KIROL PATRONATUA	ROLLERSKI	Ipar Irrintzi iraupen-eski taldea sortu berri dute Elgoibarren eta 13 urteko gazte elgoibartar honek 3 urte daramatza Nafarroako, Euskadiko eta Espainiako txapelketan emaitza oso onak lortzen, Aurten besteak beste Euskadiko eta Espainiako txapelketan urrezko domina lortu ditu	ANDDE ELIZBURU
22	UDAL KIROL PATRONATUA	FUTBOLA	CD Elgoibar taldean hasi zen futbolean eta Urki eta SD Eibar taldeetan ere jokatu eta gero, Athletic de Bilbao klubeko bigarren eta hirugarren taldeetan jokatzen ari da 19 urteko aurrelari elgoibartarrak	OIHANA AGUIRREGOMEZKORTA
23	UDAL KIROL PATRONATUA	TXIRRINDULARITZA	Emakume elgoibartar honek 80. hamarkadan hasi zen 9 urterekin txirrindularitzan lehiatzen. Aitzindari izan zen garai harietan eta gizonezkoekin lehiatzen zuen arren oso emaitza onak lortu zituen Lagun Taldea elkarteko mallotarekin. 10 urteko ibilbidea izan zuen gaixotasun batek bizikleta lagatzera bultzatu zuen arte. Lorpen asko izan zituen baina agian nabarmenena Bergamon, Italian, ospatu zen Munduko txapelketan lortu zuena izan zen. Lasterketako ihesaldian sartu zenean, aurreko gurpila alkantarilla batean sartu eta erorikoa izan zuen baina hala ere sorbalda aterata helmugara iristea lortu zuen, ordurarte Mundial bat bukatzen zuen lehenengo emakume euskalduna izanik.	ELI GUTIERREZ