- Espaloi zaharra oztopo zen irisgarritasunerako, 8 zm-ko altuerarekin, oinezkoen joan-etorria zailtzen zuena.
Elgoibarko Udalak amaitu berri du Santa Ana kaleko espaloia egokitzeko obra, Giza Eskubideen Parkera eramaten duena. Proiektu honen helburu nagusia izan da eremu horretarako irisgarritasuna hobetzea, bereziki sarbide-arkua dagoen eremuan.
Espaloi zaharra oztopo zen irisgarritasunerako, 8 zm-ko altuerarekin, oinezkoen joan-etorria zailtzen zuena. Arazo hori konpontzeko, arrapala bat sortu da arkuaren inguruan, parkerako sarbidea erosoagoa izan dadin.
Guztira, 36 metro karratuko espaloia egokitu da. Proiektu horrek nabarmen eraldatu du Giza Eskubideen Parkea, eta irisgarritasuna erraztu du, bai Kalegoen Plazatik, bai Santa Ana kaletik.
Egokitze-lanetan, lehendik zegoen zoladura eta espaloiaren zintarria eraitsi ziren. Ondoren, zolata berri bat sortu zen, hiriguneko gainerako lekuetan erabilitako kareharri mota berarekin zolatu dena, inguruko estetika eta koherentzia arkitektonikoa mantenduz.
Proiektuaren guztizko kostua, materialak eta eskulana barne, 19.744,10 eurokoa izan da, dagokion BEZa gehituta.
Santa Ana kaleko irisgarritasuna hobetzeko proiektu hau Udalak hiri-ingurune inklusiboagoak eta herritar guztientzat irisgarriagoak sortzeko ezarritako ildo estrategikoaren barruan kokatzen da.