4.000 Bizi-Bizixa bonu berriak urriaren 30etik azaroaren 30era trukatu ahal izango dira kanpainari atxikitako 51 establezimenduetan

• Denda bakoitzean 78 bonu banatu dira. Udalak 30.000 euroko inbertsioa egin du eta elgoibartarrek % 25eko deskontua izango dute erosketetan.

Elgoibarko Udalak, herriko merkataritza dinamizatzen eta biziberritzen jarraitzeko asmoz, Bizi-Bizixa bonu kanpaina berri bat jarri du martxan. 2023ko bigarrena da, eta bederatzigarrena martxan jarri zenetik. Kanpaina hau Udalak tokiko garapen ekonomikoa bultzatzeko ezarritako ildo estrategikoaren barruan kokatzen da.

Kontsumo bonuen kanpaina honetan, Udalak 30.000 euro inbertituko ditu, 2022ko kanpaina bakoitzean baino 5.000 euro gehiago, eta 4.000 bonu komertzial  ditu. Bonuak saltokietan erosi behar dira erosketa egiten den unean.

Atxikitako establezimenduetan egindako gastuak gutxienez 5 eurokoak eta gehienez 60 eurokoak izan daitezke. Deskontuak:

• 5 €-ko erosketak, Udalak 1,25 €-ko dirulaguntza ematen du.
• 10 €-ko erosketak, Udalak 2,5 €-ko dirulaguntza ematen du.
• 20 €-ko erosketak, Udalak 5 €-ko dirulaguntza ematen du.
• 30 €-ko erosketak, Udalak 7,5 €-ko dirulaguntza ematen du.
• 60 €-ko erosketak, Udalak 15 €-ko dirulaguntza ematen du.

Bonuak azaroaren 30era arte trukatu ahal izango dira atxikitako 51 dendetan, baldin eta dendak egun horretara arte bonuak baditu. Denda bakoitzean 78 bonu banatu dira.

51 saltoki