- Lehenengo deialdia funtzionarioei, irakasleei eta ikastetxeetako langileei, guraso-elkarteetako kideei, elkarteei eta kirol-klubei zuzenduta zegoen.
- Prestakuntza horiek 3 ordukoak izango dira, eta apirilean zehar egingo dira.
- Izena ematea 2023ko martxoaren 30a baino lehen egin behar da esteka honetan: https://labur.eus/apirilaelgoibarkardiobabestua.
Elgoibarko Udalak martxan jarri du udalerrian kardiobabes osoko sistemaren ezarpena. Sistema horren bidez, 10 desfibriladore instalatuko dira, eta 100 boluntario trebatuko dira, bihotz-biriketako geldialdia jasaten duten pertsonei premiazko laguntza emateko. Inbertsioa 46.770,00 €+ BEZa da.
Sistemaren helburua prebentzio-eredu bat sortzea da, bihotz-biriketako gelditze-egoeretan dauden pertsonei premiazko laguntza emateko. Hori gauzatzeko lehen urratsa udalerriko espazio publikoetan desfibriladoreak jartzea izango da, larrialdi-egoeretan erraz iritsi ahal izateko. Neurri horrekin batera, behar bezala erabiltzeko gaitasuna duten boluntarioen sare bat sortuko da, eta bihotz-biriketako gelditze-egoeran dagoen pertsonaren batek arreta behar duenean erabiliko da.
Udalak 10 prestakuntza egingo ditu doan (10 pertsonako taldeetan) BBB/OBE tekniketan eta desfibriladorearen erabileran. Prestakuntza teoriko-praktikoak dira, eta oinarrizko lehen laguntzetako ezagutzak, bihotz-biriketako bizkortzeari buruzko ezagutzak eta desfibriladore erdiautomatikoa erabiltzeko beldurra galtzen laguntzen dute.
3 orduko prestakuntza da, BBBren Plan Nazionalaren arabera, larrialdietan homologatutako instruktoreek emango dutena, eta Udalaren instalazioetan goizez edo arratsaldez egingo dena.
Martxoaren hasieran, udalak desfibriladoreak behar bezala erabiltzeko gai diren boluntarioak erakartzeko kanpaina abiarazi zuen. Lehenengo deialdia funtzionarioei, irakasleei eta ikastetxeetako langileei, guraso-elkarteetako kideei, elkarteei eta kirol-klubei zuzenduta zegoen. Guztira 58 pertsonak eman dute izena.
Orain, herritarrei zuzendutako bigarren deialdia egingo da. Helburua 100 boluntarioetara iristea da.
Ikastaroak apirilean egingo dira, astelehenetik asteazkenera goizeko 9:00etatik 12:00etara, eguerdiko 13:30etik 16:30era edo arratsaldeko 17:00etatik 20:00etara Kultur Etxeko sotoan.
Izena emateko, 2023ko martxoaren 30a baino lehen, esteka honetan: https://labur.eus/apirilaelgoibarkardiobabestua.