SUMO 2 J

  • Sari banaketa, abuztuaren 22an, arratsaldeko 19:30ean izango da, Kultur Etxean.

Elgoibarko Udaleko Haur, Nerabe eta Gazteen Sustapeneko Sailak, Udal Kirol Patronatuak eta Ongarri argazkilari taldeak aurtengo XII. Kirol Argazki Lehiaketaren irabazleak jakitera eman dituzte.

Javier Pedro Fernandez argazkilariak aurkeztutako “Sumo-2” argazkia saritu du epaimahaiak sari nagusiarekin (300 euro). Fernando Zamarbidek aurkeztutako “Final Feliz” argazkiak eskuratu du bigarren saria (200 euro).

FINAL FELIZ Fernando Zamarbide FerrarasHEMEN DA GAILURRA Ander Izagirre Egana

Elgoibarko bizilagunek aurkeztutako argazkien artean, Ander Izagirrek aurkeztutako “Hemen da gailurra” izeneko argazkia saritu dute Herritarrentzako Sariarekin. 200 euroko saria jasoko du.

Nerabeen Sariko (13-17 urte) lehen saria Nerea Beristain elgoibartarrarentzat izan da. “QuickPro is on!” izeneko argazkiarekin jaso du 150 euroko saria. Bigarren postua, aldiz, hutsik geratu da.

Gazteentzako bi sariak (18-30 urte), berriz, Elgoibarren geratu dira. Jokin Zubiaurreren “Azken Bostekoa” izeneko argazkiak jaso du lehenengoa (300 euro) eta Sara Beristainen “Borgethon inun baño hobeto” lanak, bigarrena (200 euro).

QUIKPRO IS ON Nerea BeristainAZKEN BOSTEKOA Jokin Zubiaurre MochalesBorgethon inun bano hobeto Sara Beristain

Sari banaketa, abuztuaren 22an, arratsaldeko 19:30ean izango da, Kultur Etxean. Epaimahaiak aukeratzen dituen argazkiak erakutsiko dira jendaurrean, abuztuaren 21tik irailaren 2ra bitartean, Kultur Etxean (Txiki egunean - abuztuak 25 - eta igandean, itxita). Ordutegia: 18:30 – 20:30.

Argazki sarituak antolatzaileen esku geratuko dira, eta horiek izango dira argazkiak argitaratzeko eskubidea izango dutenak, beti ere, egilearen izena aipatuta. Saritu gabeko lanak jasotzeko epea irailaren 11tik 23ra izango da. Lanak Olaizaga kiroldegian jaso ahal izango dira. Epe horren barruan jasotzen ez diren lanak antolatzaileen esku geratuko dira.

Jausoroko barandak

  • Hobekuntzak hurrengo hiru hilabeteetan zehar burutuko dira eta Udalak, 47.000 euro baino gehiago bideratuko ditu bi gune hauetatik igarotzen
    diren herritarren segurtasuna bermatzeko helburuarekin.
  • Era berean, abuztuan zehar, Udalak ia 40.000 euro inbertituko ditu Urazandiko Haur Eskolako teilatua aldatu eta instalazioa hobetzeko.

Jausoro eta Pedro Mugurutzatik igarotzen diren herritarren segurtasuna bermatzeko helburuarekin, Elgoibarko Udalak, bi gune hauetako barandak berriztatzeko lanak abiaraziko ditu laster. Obrak Ulmar enpresari esleitu zaizkio eta gehienez hiru hilabete izango dituzte lanak bukatzeko. Udalak 47.032 euro bideratuko ditu (BEZa kanpo) bi gune hauetako babes-barandak eraberritzeko. Pedro Mugurutzako lanak uztailaren amaieran edota abuztuaren hasieran hastea aurreikusten da. Jausorokoak aldiz, irailean hasiko dira.

Elgoibarko Alkatea den Ane Beitiaren esanetan “hurrengo hilabeteetan gauzatuko diren jarduera hauek helburu argi bat daukate, bizilagunen joan-etorrietako segurtasuna hobetu eta bermatzea”.

Orokorrean, lan hauen bitartez, gaur egun dauden barandak desmuntatu eta kudeatzaile baimendu bati eramango zaizkio; eta horien ordez, altzairu
herdoilezinezkoak baranda berriak jarriko dira, eskailera-zatietan eta arrapaletan, barandek eskubanda bikoitza izango dute eta barandak oinarriari ainguratuko zaizkio erresistentzia handiko erretxinen bidez.

Pedro Mugurutzako barandak

Burutuko diren lanen deskribapena

  • Pedro Mugurutza 24 zenbakiko plaza: plaza txiki bat da, 24 eta 26 zenbakidun blokeen artean kokatuta dagoena; eserlekuak daude bertan, eta auzoko
    bizilagunek erabiltzen dute. Gaur egun dagoen baranda egoera txarrean dago, eta eskailera batzuek ez dute eskubandarik. Beraz, baranda osoa aldatuko da, eta bidenabar, eskaileraren alde banatan eskubandak jarriko dira. Goialdean, gaur egun, baranda bat dago hormatxoaren gainean. Trenbidearen pasagunerantz doan bidean barandarekin jarraituko da, eta hormatxoaren gainean dagoen baranda kendu egingo da. Guztira, 40 metro baranda berri ipiniko dira.
  • Jausoro: gunerik esanguratsuena da. Alde batetik, Jausoro plazako barandak aldatuko dira, baita plazarako igoeran daudenak ere; beste alde batetik, N-634 errepide azpiko pasabiderako bidean dauden barandak aldatu, eta arrapalen eta eskaileren bi aldeetan, eskubandak jarriko dira. Guztira, 300 metro baranda berri ipiniko dira.

Elgoibarko Udalak, ia 40.000 euro bideratuko ditu Urazandiko Haur Eskolako teilatua aldatu eta instalazioa hobetzeko

Udako hilabeteak aprobetxatuz, Elgoibarko Udalak zenbait eraberritze lan abiaraziko ditu Urazandiko Haur Eskolan. Alde batetik, zentroaren teilatuan aurkitutako arazoak direla eta, Udalak aldatzea erabaki du. Revestimientos Metálicos Plamar enpresa izango da lanak burutzeko ardura izango duena. Udalak, teilatuaren berriztatze lan hauetarako 31.700 euro baino gehiago bideratuko ditu (BEZa kanpo). Honez gain, aipatu beharra dago ere, Haur Eskolako sarreran markesina berri bat ezarriko dela, erabilera aldetik beharra sumatu baita. Obrek 4 asteko iraupena izatea aurreikusten da eta abuztuan jarriko dira martxan, eraikina itxita dagoela aprobetxatuz.

Bestetik, hau ez da Udalak hezkuntza zentro honetan egingo duen obra bakarra izango. Abuztuan baita, Haur Eskolako berogailuak eta instalazioa aldatuko dira. Lanak Sargori enpresak burutuko ditu eta horretarako 7.667 euro bideratuko dira (BEZa kanpo).

Iosu Arraiz, Elgoibarko Hirigintza zinegotziaren esanetan, “eskoletan gastatzen den dirua ondo gastatutako dirua da, zalantzarik gabe, argi baitago egindako inbertsioari ateratzen zaion errendimendua oso altua dela, bertatik urtero pasatzen diren ikasleen egoera nabarmen hobetzen dela ikusten baita”.

Vicenta Ecenarro

Vicenta Ecenarro elgoibartarrak 100 urte bete zituen atzo. Ospakizun berezi honetan, maite dituen senitarteko zein zaharren egoitzako langileak izan ditu alboan. Elgoibarko Udalak ere zoriondu egin nahi izan du. Ane Beitia alkatea eta Blanca Larrañaga Ongizate saileko zinegotziak, lore sorta bat oparitu zioten Vicentari udalaren izenean.

Ke detektorearen kanpaina aurkezpena udaletxean eta eskuman ke detektore bat

  • Doako programa honi esker, guztira 214 ke detektagailu instalatu dira 196 etxebizitzatan. %74,5eko kobertura lortu da, bakarrik bizi diren 80 urteko edota 80 urteko beste pertsona batekin bizi diren adinekoen kolektiboari dagokionez.
  • Honez gain, joan den ekainaren 1ean abian jarri ziren detektagailuen instalazio lanetan, etxebizitza bakoitzaren segurtasun baldintzak aztertu dira hauen zein gertuko auzolagunen babesa bermatzeko.
  • Detektagailua, etxebizitzetako sabaian instalatzen den gailu txiki bat da, etxebizitzan sute edota ke pilaketa kasuan, alarma gisa jokatzen duena, bolumen oso altuko soinu bat emitituz etxebizitzan bertan bizi diren pertsonak, zein ondoko auzokideak ere jakinaren gainean jartzen dituena.

Ekainaren hasieran, Elgoibarko Udalak, 80 urtetik gorako adinekoen etxebizitzetan kea detektatzeko zerbitzu bat jarri zuen martxan. Neurri honen bidez, Udalak, etxean gertatzen diren istripuei dagokionez, kolektibo kaltebera kontsideratzen den talde garrantzitsu hau babestea eta euren ongizatea eta segurtasuna hobetzea bilatzen du.

Hala, azkenengo aste hauetan, udal elgoibartarrak udalerriko 263 etxebizitzetako su- arriskuak aztertu ditu eta 214 ke detektagailu instalatu ditu 80 urte baino gehiagoko pertsonen 196 etxebizitzatan. Zehazki, instalatutako gailu kopuruak pisuena gainditzen du, batzuetan bat baino gehiago jarri behar izan baitira etxebizitzako neurria dela eta.

Hona hemen ekainean zehar egindako bisiten ondoren bildutako zenbait datu:

  • Hartzaileak: 263 (%100)
  • Onuradunak: 196 (%74,5)
  • Etxebizitza / Bizileku aldaketak: 34 (%13)
  • Ez interesatuak: 25 (%9,5)
  • Hildakoak: 7 (%2,6)
  • Lokalizatu gabeak: 1 (%0,4)

Guztira, zerbitzua 263 etxebizitzetara zuzendu da, hauen babesa zein auzolagunen babesa bermatzeko helburuarekin.

Doako programa honi esker, esan bezala, guztira 214 ke detektagailu instalatu dira 196 etxebizitzatan. %74,5eko kobertura lortu da, bakarrik bizi diren 80 urteko edota 80 urteko beste pertsona batekin bizi diren adinekoen kolektiboari dagokionez.

75. urteurrenaren lantaldea eta logoa

  • 75. urteurrena antolatzeko osatu den lan-taldea, logotipoa eta hainbat ekintza aurkeztu dira
  • Ekitaldi nagusia, krosaren gala, urtarrilaren 12an ospatuko da Herriko Antzokian

1943an lehen lasterketa antolatu zuen C.D. Elgoibarrek Juan Muguerza Elgoibartarra omendu eta gogoratzeko. Muguerza, 12 aldiz Espainiako txapelduna, Guda Zibilean hil zen, Mungiako bonbardaketaren ondorioz. 75 urte hauetan krosa handi egin da, maila gorena eskuratu du eta atletarik handienak hartu ditu. Hala ere, Elgoibarko krosa beti izan da eta izango da laguntasunaren krosa.

2018ko urtarrilaren 14an ospatuko da 75. Juan Muguerza Krosa, mailarik gorenenean IAAF kategorian, hau da, munduko 7 kros onenen artean. 75 urte hauetan gertatu den guztia gogora ekarri eta urteurrena ospatzeko lanean hasi da Mintxeta Atletismo Taldea, krosaren antolatzailea.

Lan-horretarako lan-talde berezia sortu da, krosaren inguruan lanean aritu izan diren pertsonekin. Urteurrena antolatzen diharduen lan-taldea lagun hauek osatzen dute: Zigor Diez, Gorka Garaizabal, Ramon Mugica, Nerea Oteiza, Alfredo Etxeberria, Angel Quintana, Jose Mari Kortaberria, Pilar Arriola, Ricardo Astigarraga, Juan Mari Iriondo, Iñaki Gil eta Lorea Arakistain.

Abiapuntu bezala 75. urteurrenerako irudia aurkeztu da, berariaz prestatutako logotipoa da. Urteurreneko ospakizun nagusia, berriz, Juan Muguerza Krosaren Gala, urtarrilaren 12an, krosaren asteburu berean, ospatuko da Herriko Antzokian. Ekitaldiak festa eta hainbat omenaldi uztartuko ditu eta krosaren 75 urteak gogoratu eta ospatzeko aukera emango du.

Ospakizun ekintzen artean hainbat atletismoaren ingurukoak izango dira. Izan ere, ANOC Fundazioak ere Elgoibar aukeratu du 2018ko gala ospatzeko. Udaberrian izango da eta estatuko kros eta atleta onenak elkartuko ditu. Eskola Kirolaren Atletismo Festa ere Elgoibarren ospatuko da.

Horrez gain, hainbat dira 75. urteurrenaren bueltan herriko elkarte eta norbanakoek lantzen diharduten proiektuak. Esate baterako, Juan Muguerza krosa izango da Filatelia eta Numismatika elkarteak antolatutako hurrengo zigilu erakusketaren protagonista.

Piraguismoa1

Elgoibarko Udal Kirol Patronatuak antolatzen duen Udako Kirol Campusean 217 haur eta gazte ari dira parte hartzen eta ostiral honetan emango zaie amaiera azken lau astetan antolaturiko era guztietako kirol jarduerei. Gaur goizean Goi Mailako Campuseko gazteek Zumaian piraguismoa egiteko aukera izan dute.

San Bartolome 2017

  • Ehun ekitaldi inguru izango dira abuztuaren 22tik 28ra bitartean ospatuko diren San Bartolome jaietan.
  • Aurten Udalak 169.930 euroko aurrekontua bideratu du.
  • CD Elgoibar taldearen 100.urteurrena ospatzen dela eta, taldearen Batzordeak botako du txupinazoa.
  • Ana Salegui Egaña izan da 2017ko kartel lehiaketaren irabazlea. Sari banaketa abuztuaren 22an izango da, arratsaldeko 19:30etan, Kultur Etxeko erakusketa gelan.
  • San Bartolome jaietako egitaraua (PDF)

Ane Betia, Elgoibarko Alkateak, Andrea Arriola, Udaleko Kultura zinegotziak eta Blanca Salegi teknikariak, 2017ko San Bartolome jaietako egitaraua aurkeztu dute gaur goizean, Elgoibarko Udaletxean izandako prentsaurrekoan.

Urtero bezala, herriko bazter guztiak kolorez, dibertsioz eta alaitasunez beteko dituzten ekintza ugari izango dira festetan, izan ere, adin guztietako herritarrei zuzendutako jarduerak antolatu ditu Udalak. Aurten, ofizialki jaiak abuztuaren 22an hasiko dira eta 28an amaitu.

Guztira ehun ekitaldi inguru izango dira, eta horiek martxan jarri ahal izateko, Elgoibarko Udalak 169.930 euroko aurrekontua bideratuko du (172.616 euro 2016.urtean)

Udalak jaiei emandako bultzada ekonomiko honi esker, maila handiko ikuskizun eszeniko eta musikal ugari jasotzen dira aurtengo egitarauan, bestea beste, Vendetta (abuztuak 23, Kalegoen plaza, 23:00etan), Gozategi (abuztuak 24, Kalegoen plaza, 23:00etan), Alex & Urtza Diskofesta (abuztuak 25, Kalegoen plaza, 22:30etan), Oihan Vegaren Disko Festa (abuztuak 26, Kalegoen plaza, 23:00etan) edota Itziarren Semeak (abuztuak 28, Maalako parkea, 23:00etan) taldeen kontzertuak egongo dira ikusgai.

Kontzertuez gain, azpimarratzekoak dira ere antolatu diren hiru ikuskizun eszenikoak, izan ere, Elgoibarko Udalak esfortzu berezia egin du hauek martxan jartzeko. Lehena abuztuaren 24an izango da, arratsaldeko 19:30etan, Vaiven Circo taldearen eskutik “Do not disturb” ikuskizuna eskainiko da Kalebarren plazan (euria bada, Maalan). Bigarrena, “Walkman” izenburuko ikuskizuna, Ganso&Cia taldearen eskutik, abuztuaren 27an, arratsaldeko 18:30etan izango da Kalebarren plazan (euria bada, Maalan). Eta bukatzeko, hirugarren ikuskizuna, abuztuaren 27an izango da baita, gaueko 22:30ean, Deabru Beltzak taldeak “Su danborradak” kalejira abiaraziko du Kalegoen plazatik, piroteknia eta guzti.

Bestalde, ez dira faltako San Bartolome jaietako betiko hitzorduak: erraldoi, buruhandi eta zezen-zikleten kalejirak, haurren parkeak, txarangak, soka dantza, profesionalen arteko esku pilota partidak, errekorte eta jauzi lehiaketa zezenekin, salda eta txorizo banaketa, goitibeheren jaitsiera, dantza eta txistu emanaldiak, harri-jasotze txapelketa, gazta eta sagardo lehiaketak, bertso saioak, jubilatuen bazkaria eta nola ez, ohikoak diren hiru sokamuturrak besteak beste.

Ane Beitia alkateak, eskerrak eman die “Elgoibarko Udaleko langileei, urte osoan zehar egindako lanarengatik eta, nola ez, jaiak posible egin dituzten herriko elkarte, talde eta norbanako guztiei ere”. Honez gain, Beitiak “jaiak bizikidetzarako gune aproposak” izan behar direla adierazi du eta horregatik “jaiak arduraz gozatzeko” deia luzatu du.

ludoteka eta gaztelekuko logotipo lehiaketen sari banaketako argazkia

Ander Mujika Zubiaurre (Ludoteka) eta Paula Heras Marcos (Gaztelekua) izan dira, Elgoibarko Udalak, Ludotekaren eta Gaztelekuren logotipoak berriztatzeko asmoz abiarazitako lehiaketaren irabazleak. Biek, Maialen Gurrutxaga, Haur, Nerabe eta Gazteen Sustapenerako zinegotziaren eta Mikel Etxaniz udal teknikariaren eskutik jaso dute gaur euren saria, Kalegoen plazan ospatutako sari banaketan. Elgoibarko dendetan erosketak egiteko 500 euroko bale bana, hain zuzen ere.

Honez gain, Ludoteka eta Gaztelekuaren 10.urteurrena dela eta, Kalegoen plazan bertan festa txiki bat antolatu da. Bertan, puzgarri bat jarri da, apar festa bat ere izan da, gune lasai bat (txapa makina, aurpegi margoketa eta abar) eta betiko jolasekin baina formatu erraldoian gozatzeko aukera izan da. Umeek izugarri ondo pasa dute goiza.

Festa1Festa2Festa4

kalegoen

  • Helburua etxebizitzaren funtzionamenduari buruzko arauak ezartzea eta baliabidearen onuradunak, etxebizitzan sartzeko prozedura eta etxebizitza erabiltzeko baldintzak zehaztea da.
  • Ordenantza eta udal araudi guztien elaborazioak, gaurtik aurrera, aurreko kontsulta publiko bat izango du, herritarrak informatu, aldaketak proposatu edota araudi berri horien inguruan eztabaidatu dezaten, elgoibartarren parte hartzea hobetuz.
  • Herritarrek, erakundeek eta elkarteek, hala nahi izanez gero, uztailaren 29ra arte, iritziak eta iradokizunak aurkeztu ahal izango dituzte Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidean edota Udalaren Erregistro Orokorrean.

Elgoibarko Udalak, Ongizate Sailaren bitartez, gaur abiarazi du larrialdi egoeretan, aldi baterako premiazko harrera egiteko etxebizitza arautzen duen ordenantzaren prestatu aurreko lehen kontsulta publikoa. Kontsulta honen bidez, kontsistorio elgoibartarrak arauak egiteko prozeduraren baitan, herritarren partaidetza hobetu nahi du, izan ere, martxan jarriko den arauak eragin zuzena izango du herritarrengan eta erakunde nahiz elkarte esanguratsuenengan eta horregatik, Udalak hauen iritzia jaso nahi du.

Halaber, Udalak adierazi du ordenantza eta udal araudi guztien elaborazioak, gaurtik aurrera, aurreko kontsulta publiko bat izango duela, herritarrak informatu, aldaketak proposatu edota araudi berri horien inguruan eztabaidatu dezaten.

Ane Beitiak, Elgoibarko Alkateak baieztatu du “kontsulta honi eta etorkizunean martxan jarriko ditugunei esker, Udala aurrerapauso garrantzitsuak ari da ematen instituzio ireki, garden eta parte hartzaile batean bihurtzeko, eta erabaki garrantzitsuenak herritarrekin modu kolektibo eta zuzenean hartu nahi ditugu”.

Aurreko kontsulten emaitzak juridikoki lotesleak izan ez arren, Beitiak nabarmendu du Gobernu Taldeak, araudi guztien elaborazio prozesuen emaitzak kontuan hartuko dtuela dituelako, horretarako konpromiso eta borondate irmoa dutela adierazi du.

Ordenantzaren helburua: etxebizitzaren funtzionamenduari buruzko arauak ezarri

Elgoibarko Udalak etxebizitza bat du herrian, udalerrian gertatzen diren larrialdi egoeretan, aldi baterako harrera egiteko erabili nahi dena. Baliabide hau abian jartzeko, etxebizitza horren funtzionamenduari buruzko arauak ezarri behar dira. Ildo horretatik, esan, etxebizitza horrek ez duela horrelako araurik. Hori dela eta, etxebizitzaren erabilera eta funtzionamendua arautzen duen araurik ez dagoenez, egokitzat jotzen da zerbitzu hori arautuko duen araudi bat ezartzea, baliabidearen onuradunak, etxebizitzan sartzeko prozedura eta etxebizitza erabiltzeko baldintzak zehazteko helburuarekin.

Partaidetza bideak

Behar bezala identifikatutako herritarrek, erakundeek eta elkarteek, hala nahi izanez gero, 2017ko uztailaren 29ra arte, iritziak eta iradokizunak aurkeztu ahal izan ditzaten, ondoren zehaztuko den partaidetza bideren bat erabilita:

  • Ondoko helbide elektronikora  email bat bidaliz: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.
  • Arreta Bulegoan kokatuta dagoen Elgoibarko Udalaren Erregistro Orokorrean aurkeztuz: Santa Ana kalea 2, sarrera Giza Eskubideen parketik.

Kontsultaren tramitea egin ostean, eta aurkeztutako proposamenak aztertu eta Ordenantza onartzeko prozedurari ekin ondoren, Ordenantzaren zirriborroa argitaratuko da dagokion web atarian, eragindako herritarrek, beste behin ere, entzunaldia egiteko aukera izateko; eta hartara, egokitzat jotzen diren ekarpen gehigarri guztiak jasotzeko.

Deialdi honen xedea da DEBABE Udal Euskaltegien Mankomunitaterako aldi baterako bi irakasle kontratatzea, lehiaketa oposaketaren eta txanda librearen bitartez.
 
Hautatutako bi izangaiek lanaldi partzialeko txandakako lan kontratua sinatuko dute 2017/2018 ikasturtean zehar, erretiro partziala eskatu duten DEBABE Mankomunitateko bi langile ordezkatzeko. Kontratu horien indarraldia, hurrenez hurren, 2021eko abenduaren 15ean eta 2022ko martxoaren 2an bukatuko da.
 
Interesatuek UZTAILAREN 21era arte (barne) izango dute izena emateko aukera.
 
Informazio gehiagorako, GAOn gaur argitaratu diren oinarrien iragarkiaren helbidea errazten dizuet: https://ssl4.gipuzkoa.net/euskera/gao/2017/07/12/e1704996.htm 
Mintxeta
Mintxetako futbol zelaia prest dago Haundik eta Errealak larunbat honetan jokatuko duten partidarako. Egun hauetan bukatu dira ekainaren 1ean hasitako belarra aldatzeko obrak eta C.D. Elgoibar taldea hasia da bertan entrenamenduak burutzen.
 
FIFA 2 Izarreko ziurtagiria duen azken generazioko belarra da, SBR kautxuarekin. Elgoibarko Udalak 230.000 euro bideratu ditu lanotara eta guztira 8.628 m2 aldatu dira: 100 x 64m (zelai handia), 40 x 20m (zelai txikia) eta ingurua (bandak).
 
Mintxeta3